ЕБҚ бар балалармен жүргізілетін психологиялық қолдау, түзету жұмыстары және заманауи әдіс-тәсілдерді қолдану

Астана қаласы әкімдігінің «Психологиялық қолдау орталығы» КММ №89 МЛ базасында ерекше білімді қажет ететін балалармен жұмыс жасайтын педагог-психологтарға арналған «ЕБҚ бар балалармен жүргізілетін психологиялық қолдау, түзету жұмыстары және заманауи әдіс-тәсілдерді қолдану» тақырыбында қалалық семинар ұйымдастырылды, барлығы 45 педагог қатысты.

Семинарда ерекше қажеттіліктері бар балалардың деструктивті мінез-құлқының жиі кездесетін түрлері талқыланды. Деструктивтік мінез-құлықты түзету әдістеріне ерекше назар аударылып, ерекше қажеттіліктері бар балалардың оқу-психологиялық қажеттіліктерін қамтамасыз ету бойынша тәжірибе алмасты.